October 2026

 



அக்டோபர் 17 ராஜ்ஹரா பணித்தளத்தில் நடைபெற்ற ஒருநாள் எழுப்புதல் கூட்டத்தில், சகோ. மார்ட்டின் மற்றும் சகோ. சஞ்சய் தேவ் ஆகியோர், 'சாட்சியாக வாழ்தல்" என்ற தலைப்பின்கீழ் தேவ வார்த்தையைப் பகிர்ந்துகொண்டனர். 150 பேர் இக்கூட்டத்தில் கலந்துகொண்டு தேவ வார்த்தையின் மூலம் பலப்படுத்தப்பட்டு ஆசீர்வதிக்கப்பட்டனர்.  தொடர்ந்து, இப்பணித்தளத்தில் நடைபெற்ற விடுதலை கூட்டத்தில், 180 பேர் கலந்துகொண்டனர். பாவப் போராட்டத்திலிருந்தும், பிசாசின் பிடியிலிருந்தும் அநேகரை தேவன் விடுவித்தார். மகாராஷ்டிரா மாநிலத்தில் புதிதாக இயேசுவை ஏற்றுக்கொண்ட பெண்களுக்காகவும், அவர்களது குடும்பங்களுக்காகவும் ஜெபிப்போம்.

அக்டோபர் 18 ஆகஸ்ட் 31 அன்று ஜப்லா பணித்தளத்தில் நடைபெற்ற இரவு  ஜெபத்தில் 150 பேரும், தொடர்ந்து, செப்டம்பர் 2 அன்று சத்தர்பூர் பணித்தளத்தில் நடைபெற்ற சிறப்பு ஜெபக் கூடுகையில் 100 பேர் கலந்துகொண்டனர்; இக்கூட்டத்தில் சகோ. சுரேந்தர் மற்றும் சகோ. சஞ்சய் ஆகியோர் தேவ வார்த்தையைப் பகிர்ந்துகொண்டனர். ஹைதர்நகர் பணித்தளத்தில் செப்டம்பர் 4 அன்று நடைபெற்ற எழுப்புதல் கூட்டத்தில் 70 விசுவாசிகள் பங்கேற்றனர் ; இக்கூட்டத்தில் சகோ. ஞானம் தேவ செய்தியளித்து, விசுவாசிகளை ஜெபத்தில் வழிநடத்தினார். விசுவாசிகள் விசுவாசத்தில் உறுதியாயிருக்கவும், ஜெப வாழ்க்கையில் வளரவும் ஜெபிப்போம்.

அக்டோபர் 19  செப்டம்பர் 6 அன்று சியாங்கி மைதே பகுதியல் நடைபெற்ற சிறுவர் ஊழியத்தின் வாயிலாக 50-க்கும் மேற்பட்ட சிறுவர் சிறுமியருக்கு கிறிஸ்துவின் அன்பினை அறிவிக்க கர்த்தர் உதவிசெய்தார். ரத்னகிரி பணித்தளத்தில் நடைபெற்ற பெண்கள் கூடுகையில் 10 பேர் பங்கேற்றனர். பணித்தளங்களில் வரும் நாட்களில் செய்யப்படவிருக்கும் சிறுவர் மற்றும் பெண்கள் ஊழியங்களுக்காக ஜெபிப்போம். 

அக்டோபர் 20 மகுவாதத் பணித்தளத்தில் நடைபெற்ற ஒருநாள் சிறப்புக் கூட்டத்தில் 70 பேர் பங்கேற்றனர். 'புதியதும் ஜீவனுள்ளதுமான வழி" என்ற தலைப்பின் கீழ் சகோ. சரவணன் தேவ செய்தியினைப் பகிர்ந்துகொண்டார்; அநேகர் ஆசீர்வதிக்கப்பட்டனர். கிறிஸ்துவை தங்கள் வாழ்க்கையின் சொந்த இரட்சகராக ஏற்றுக்கொண்ட 22 பேர் உடன்படிக்கையின் மூலம் மந்தையில் இணைந்தனர்; தேவனுக்கே மகிமை! பணித்தளங்களில் வாலிபர்கள் சந்திக்கப்படவும், போதை வஸ்துகளிலிருந்து விடுவிக்கப்படவும் ஜெபிப்போம்.

அக்டோபர் 21 துதி பணித்தளத்தில் நடைபெற்ற உபவாசக் கூடுகையில் 200 பேர் கலந்துகொண்டனர். சகோ. ராகேஷ் கர்த்தருடைய வார்த்தையைப் பகிர்ந்துகொண்டார். செப்டம்பர் 11 அன்று கிவாஹி மற்றும் கடோலி பணித்தளங்களில் நடைபெற்ற சிறுவர் ஊழியங்களின் மூலமாக சிறுவர் சிறுமியரை கிறிஸ்துவின் அன்பில் வழிநடத்த கர்த்தர் உதவிசெய்தார்.  ஆலயமில்லாத பணித்தளங்களில் விரைவில் ஆலயம் கட்டப்பட ஜெபிப்போம்.